తమిళనాడు : డిఎంకె పార్టీ అధ్యక్షుడు, తమిళనాడు ముఖ్యమంత్రి MK Stalin మహిళా రిజర్వేషన్ బిల్లును ప్రస్తుత రూపంలో ఓ పోల్ జిమ్మిక్ అని దుయ్యబట్టారు. ఈ మహిళల రిజర్వేషన్ బిల్లు 2029లో మాత్రమే అమల్లోకి వస్తుందని చెప్పిన దాని కోసం ఇప్పుడు బిల్లును ఆమోదించడం విచిత్రంగా ఉందన్నారు.
ఇంకా జరగాల్సిన జనాభా గణన ఆధారంగా డీలిమిటేషన్ కసరత్తును కూడా అనుసరిస్తుంది. దీనికి హామీ ఇవ్వబడిన కాలపరిమితి లేదని అన్నారు.
వెనుకబడిన తరగతుల మహిళలకు కోటా ఉండేలా చూడాల్సిన ప్రాముఖ్యతను స్టాలిన్ నొక్కిచెప్పారు. డీలిమిటేషన్ నిర్వహించే రాష్ట్రాలకు ఎటువంటి హాని కలిగించదని తమిళనాడు, మొత్తం దక్షిణ భారతదేశ ప్రజలకు కేంద్రం హామీ ఇవ్వాలని డిమాండ్ చేశారు.
డీలిమిటేషన్ అనేది దక్షిణ భారతదేశ తల పై వేలాడుతున్న కత్తి: MK Stalin
డీలిమిటేషన్ అనేది తమిళనాడు, దక్షిణ భారతదేశ తలపై వేలాడుతున్న కత్తి లాంటిది. ఇది దక్షిణ భారత దేశ రాజకీయ ప్రాతినిధ్యాన్ని తగ్గించే రాజకీయ కుట్ర అని దీనిని తిప్పికొట్టాలన్నారు.
మహిళా బిల్లును ఆమోదించడంలో కేంద్రం చూపిన ఆసక్తిని, ఆర్టికల్ 370ని రద్దు చేసి, 10 శాతం ఆర్థికంగా వెనుకబడిన వర్గాల కోటాను తీసుకురావడానికి బిల్లులను ఆమోదించిన విధానాన్ని ఎందుకు ఆమోదించలేదో చెప్పాలని స్టాలిన్ డిమాండ్ చేశారు.
గత తొమ్మిదేళ్లుగా ఈ విషయంలో సైలెంట్ గా ఉన్న బిజెపి ఇప్పుడు బిల్లును తీసుకురావడం అనేది ఒక రాజకీయ స్టంట్ అని బీజేపీ ప్రజలని మభ్యపెట్టడానికి ప్రయత్నిస్తున్నదని దీనిని ప్రజలు గమనిస్తున్నారని అన్నారు.
