ప్రధానాంశాలు
హైదరాబాద్: ఎన్నికల తర్వాత గెలిచిన 10-12 మంది కాంగ్రెస్ ఎమ్మెల్యేలను తీసుకపోయి టీపీసీసీ చీఫ్ రేవంత్ రెడ్డి బీజేపీలోకి జంప్ అవుతారని మంత్రి కేటీఆర్(KTR) జోస్యం చెప్పారు.
ప్రజలను మభ్యపెట్టేందుకు రేవంత్ ప్రయత్నిస్తున్నారు:KTR
రంగారెడ్డి జిల్లా షాద్ నగర్ లో డబుల్ బెడ్ రూం ఇళ్లను మంత్రి కేటీఆర్ ప్రారంభించారు. ఈ సందర్భంగా ఆయన మాట్లాడుతూ.. అధికారంలో ఉండగా ప్రజలకు చేసిందేమీ లేని కాంగ్రెస్ ఇప్పుడు ఆచరణ సాధ్యం కాని హామీలు ఇస్తోందన్నారు. వాగ్దానాలతో ప్రజలను మభ్యపెట్టేందుకు రేవంత్ ప్రయత్నిస్తున్నారని అన్నారు.
అదానీ నుంచి బీజేపీకి భారీగా డబ్బులు..
మోసాన్ని వంచనతో ఓడించి బీఆర్‌ఎస్‌కు ఓటు వేయాలని విజ్ఞప్తి చేశారు. అదే విధంగా కాషాయ పార్టీపై మాట్లాడిన కేటీఆర్.. అదానీ నుంచి బీజేపీకి భారీగా డబ్బులు అందుతున్నాయని, కాబట్టి కాంగ్రెస్, బీజేపీలను అణిచివేసి డబ్బులు తీసుకోవాలని ప్రజలకు సూచించారు.
బీఆర్‌ఎస్ అమలు చేస్తున్న రైతుబంధు, కల్యాణలక్ష్మి, షాదీముబారక్ పథకాలకు బీఆర్‌ఎస్‌కు ఓటు వేయాలని కోరారు. గత తొమ్మిదేళ్లలో ఎన్నో పనులు జరిగాయన్నారు.
