రైల్వే ప్రొటెక్షన్ ఫోర్స్ మరియు రైల్వే ప్రొటెక్షన్ స్పెషల్ ఫోర్స్‌లో 2250 పోస్టుల భర్తీకి రైల్వే రిక్రూట్‌మెంట్ బోర్డ్ నోటిఫికేషన్ విడుదల చేసింది.
ప్రధానాంశాలు
RPF Recruitment | రైల్వే ప్రొటెక్షన్ ఫోర్స్ మరియు రైల్వే ప్రొటెక్షన్ స్పెషల్ ఫోర్స్‌లో 2250 పోస్టుల భర్తీకి రైల్వే రిక్రూట్‌మెంట్ బోర్డ్ నోటిఫికేషన్ విడుదల చేసింది. సబ్ ఇన్‌స్పెక్టర్ పోస్టులకు అభ్యర్థులు డిప్లొమా లేదా ఏదైనా డిగ్రీ ఉత్తీర్ణులై ఉండాలి. కానిస్టేబుల్ పోస్టులకు 10+2 అర్హత ఉంటే సరిపోతుంది. పూర్తి వివరాల కోసం అభ్యర్థులు అధికారిక వెబ్‌సైట్ https://rpf.indianrailways.gov.in ని తనిఖీ చేయవచ్చు.
తాజా రిక్రూట్‌మెంట్‌లో రైల్వే శాఖ 2000 కానిస్టేబుళ్లు, 250 సబ్ ఇన్‌స్పెక్టర్ ఖాళీలను భర్తీ చేయనున్నారు. మొత్తం ఖాళీలలో 10 శాతం మాజీ-సర్వీస్ పురుషులకు మరియు 15 శాతం మహిళా అభ్యర్థులకు రిజర్వ్ చేయబడ్డాయి.
RPF Recruitment ప్రక్రియ విధానం
RPF SCI, కానిస్టేబుల్ పోస్టుల రిక్రూట్‌మెంట్ మూడు దశల్లో నిర్వహిస్తారు.
- దశ 1: రైల్వే రిక్రూట్‌మెంట్ కోసం కంప్యూటర్ ఆధారిత పరీక్ష (CBT)ను నిర్వహిస్తారు.
- దశ 2: CBT ఉత్తీర్ణులైన అభ్యర్థులు రైల్వే ప్రొటెక్షన్ ఫోర్స్ నిర్వహించే ఫిజికల్ ఎఫిషియెన్సీ టెస్ట్ మరియు ఫిజికల్ మెజర్‌మెంట్ టెస్ట్‌లో కూడా అర్హత సాధించాలి.
- దశ 3: చివరగా రైల్వే ప్రొటెక్షన్ ఫోర్స్ డాక్యుమెంట్ వెరిఫికేషన్ చేస్తుంది.
వయో పరిమితి వివరాలు
- సబ్ ఇన్‌స్పెక్టర్ పోస్టులకు దరఖాస్తు చేసుకునే అభ్యర్థుల వయస్సు 20 నుండి 25 సంవత్సరాల మధ్య ఉండాలి.
- కానిస్టేబుల్ అభ్యర్థుల వయోపరిమితి 18 నుండి 25 వరకు ఉండాలి.
- నిబంధనల ప్రకారం రిజర్వేషన్ కేటగిరీ అభ్యర్థులకు వయోపరిమితిలో సడలింపులు వర్తిస్తాయి.
విద్యార్హత వివరాలు
- విద్యార్హత సబ్-ఇన్‌స్పెక్టర్ పోస్టులకు దరఖాస్తు చేసుకునే అభ్యర్థులు గుర్తింపు పొందిన యూనివర్సిటీ నుండి గ్రాడ్యుయేషన్ పూర్తి చేయాలి.
- కానిస్టేబుల్ అభ్యర్థులు తప్పనిసరిగా గుర్తింపు పొందిన బోర్డు నుండి 10వ తరగతి లేదా తత్సమాన అర్హత పరీక్షలో ఉత్తీర్ణులై ఉండాలి.
- RPF కానిస్టేబుల్, SCI దరఖాస్తులను అధికారిక వెబ్‌సైట్‌లో సమర్పించాలి.
Also read: 15 వేల కానిస్టేబుల్ ఉద్యోగాలకు గ్రీన్ సిగ్నల్ ఇచ్చిన హైకోర్టు
