ఉద్యోగం రాకపోవడంతో దొంగగా మారిన యువకుడు.

ఆంధ్రప్రదేశ్: ఏపీ లోని పల్నాడు జిల్లా మాచర్ల మండలం తాళ్లపల్లి గ్రామానికి చెందిన తెలగోర్ల గోపాలకృష్ణ ఆర్మీలో ఉద్యోగం రాకపోవడంతో, విలాసవంతమైన జీవితానికి అలవాటు పడి దొంగతనాలకు పాల్పడ్డాడు. ఈ నెల 17న తిమ్మాపూర్ మండలం మహాత్మానగర్‌ లో తాళం వేసి ఉన్న ఇంట్లోకి దూరి దొంగతనం చేశాడు. ఇంట్లోని రూ.80 వేల నగదు, తులం బంగారు ఆభరణాలను ఎత్తుకెళ్లిపోయాడు. దొంగతనం చేసిన బంగారం గుంటూరుకు తీసుకెళ్లి అక్కడ ఓ బ్యాంకులో వాటిని కుదవ పెట్టి డబ్బు తీసుకున్నాడు. ఆ డబ్బును పూర్తిగా ఖర్చు చేశాడు. అనంతరం తిరిగి రామకృష్ణకాలనీకి వస్తుండగా సమాచారం అందుకున్న ఎల్‌ఎండీ పోలీసులు నిఘా ఉంచి అతడిని పట్టుకున్నారు. నిందితుడి వద్ద నుంచి రూ.40 వేల నగదు స్వాధీనం చేసుకున్నారు.