RGV Tweet | వివాదాస్పద దర్శకుడు రామ్ గోపాల్ వర్మ (Ram Gopal Varma) ఈ మధ్యకాలంలో చెప్పుకోదగ్గ సినిమాలు చేయడం మానేశాడు. ఆయన కేవలం వివాదాస్పదమవుతాయి అనుకున్న సినిమాలు మాత్రమే చేస్తూ వస్తున్నాడు. ప్రస్తుతానికి ఆయన వ్యూహం అనే సినిమా చేస్తున్నాడు దివంగత వైయస్ రాజశేఖర్ రెడ్డి మరణం తర్వాత ఎవరెవరు ఎలా ప్రతిస్పందించారు. ఆ తర్వాత ఎలాంటి కుట్రలు జరిగాయి అనే విషయం మీద తన కోణాలను ఆవిష్కరించేందుకు ఈ సినిమా చేస్తున్నట్లు ఆయన అధికారికంగా ప్రకటించారు. గతంలో రాంగోపాల్ వర్మ (Ram Gopal Varma )తో వంగవీటి లాంటి సినిమా చేసిన దాసరి కిరణ్ కుమార్ ఈ సినిమా నిర్మిస్తుండగా రంగం సినిమాతో తెలుగువారికి పరిచయమైన అజ్మల్ ఈ సినిమాలో వైయస్ జగన్ పాత్రలో నటిస్తున్నాడు.
Also Read: Ram Gopal Varma: ఇండియా పేరు మార్పుపై ఆర్జీవీ ట్వీట్‌
ఆలోచనల్లో, ఆచరణలో పెట్టే పనుల్లో రామ్ గోపాల్ వర్మ రూటే సపరేటు. వివాదాస్పద దర్శకుడిగా సినీ ఇండస్ట్రీలో ఓ సంచలనంగా మారిన ఆర్జీవీ.. వీలు కుదిరిన ప్రతిసారి పవర్ స్టార్ పవన్ కళ్యాణ్ పై సెటైర్స్ వేస్తుండటం కామనే. జనసేన అధినేత పవన్ కళ్యాణ్ ఏం మాట్లాడినా, ఏం చేసినా..వర్మకు ఓ ఇష్యూ దొరికినట్లే. ఛాన్స్ దొరికితే చాలు పవన్ కళ్యాణ్ పై విమర్శనాస్త్రాలు సంధించడం హ్యబీగా పెట్టుకున్నారు రామ్ గోపాల్ వర్మ తాజాగా మరోసారి అదే రిపీట్ చేయడం హాట్ టాపిక్ అయింది.
Also Read: Pawan Kalyan |చంద్రబాబు అరెస్ట్.. కక్షసాధింపు చర్యే: పవన్
చంద్రబాబు నాయుడుని ఏపీ సీఐడీ పోలీసులు అరెస్ట్ చేయడంతో.. చంద్రబాబుకు మద్దతుగా పవన్ కళ్యాణ్ మాట్లాడిన విషయం తెలిసిందే. కుట్రపూరితంగానే చంద్రబాబుపై తప్పుడు కేసులు పెట్టి అరెస్ట్ చేశారని పవన్ కళ్యాణ్ వ్యాఖ్యానించారు. అయితే, ఈ స్కిల్ డెవలప్‌మెంట్ కేసుపై పవన్ కళ్యాణ్ చేసిన వ్యాఖ్యలకు వ్యతిరేకంగా రామ్ గోపాల్ వర్మ ఈ 9 ప్రశ్నలను సంధించారు. ఈ మేరకు ఆయన ట్విట్టర్ (RGV Tweet) ద్వారా స్పందించారు.
రామ్ గోపాల్ వర్మ 9 ప్రశ్నలు
గౌరవనీయులైన శ్రీ @PawanKalyan గారూ, నా ఈ క్రింది తొమ్మిది ప్రశ్నలకు కేవలం వన్ వర్డ్ ఆన్సర్లు ఇవ్వగలరని నా రిక్వెస్ట్
- అసలు స్కిల్ స్కాం జరిగిందా లేదా??
- ఒకవేళ జరిగుంటే, CBN గారికి తెలియకుండా జరిగిందా?
- 300 కోట్లు పైగా ప్రజా ధనాన్ని ప్రొసీజర్స్ ఫాలో అవ్వకుండా , ఆఫీసర్స్ చెప్తున్నా వినకుండా రిలీజ్ చేశారా లేదా?
- ఒక వేళ హెడ్ ఆఫ్ గవర్నమెంట్ CBN గారికి స్కాం గురించి తర్వాత తెలిసుంటే , దానిమీద ఇమ్మిడియట్ ఆక్షన్ తీసుకోకపోవటం కరెక్టా?
- FIR అనేది ఫస్ట్ ఇన్ఫర్మేషన్ రిపోర్ట్ మాత్రమే… ఇన్వెస్టిగేషన్ ప్రొసీజర్ లో సేకరించిన ఇన్ఫర్మేషన్ బట్టి ఎప్పుడైనా ఎవరి పేరైనా యాడ్ చెయ్యచ్చన్న విషయం మీకు తెలియదా?
- చూపించిన డాక్యుమెంట్స్ బట్టి క్రైమ్ చేసినట్టు ప్రైమా ఫేసీ ఎవిడెన్స్ వుందని నమ్మిన జడ్జ్ గారు బెయిల్ ఇవ్వకపోవటం తప్పా?
- సెక్షన్ 409 అప్లై అవుతుందని రిమాండ్ గ్రాంట్ చేసిన జడ్జ్ గారు కరప్టా ?
- లీడర్స్ వాళ్ళ నలభై ఏళ్ల బ్యాక్గరౌండ్ బట్టి కాదు , వాళ్ళు చేసే పనులు బట్టి అనే విషయం మీకు తెలియదా ?
- నా తొమ్మిదవ చివరి ప్రశ్న , అసలు స్కిల్ స్కాం కేసు మీకేమర్ధమయ్యిందో , దానిలోని తప్పులెంటో ఒక వీడియో లో కెమెరా వంక చూస్తూ వివరించగలరా? థాంక్యూ అండి
అని పవన్ కళ్యాణ్‌కు కౌంటర్ ఇస్తూ ప్రశ్నలు సంధించారు ఆర్జీవీ. ఈ ప్రశ్నలకు ఎలాగూ పవన్ కళ్యాణ్ స్పందించరనుకోండి. కాకపోతే, పవన్ కళ్యాణ్ అభిమానులు మాత్రం ఆర్జీవీపై విరుచుకుపడుతున్నారు.
