విజయవాడ: ధనత్రయోదశి (Dhanteras 2023) ముహూర్తం అనేది బంగారం దుకాణాలు మరియు నగల వ్యాపారులకు ముఖ్యమైన రోజు, ఎందుకంటే ఈ రోజున బంగారాన్ని కొనుగోలు చేయడం వల్ల ఏడాది పొడవునా శ్రేయస్సు మరియు అదృష్టం లభిస్తుందని నమ్ముతారు. దీంతో విజయవాడ నగరంలోని బంగారు నగల దుకాణాలు పలు ఆఫర్లు, రాయితీలతో వినియోగదారులను ఆకర్షిస్తున్నాయి. షాపుల యజమానులు కూడా పండుగ వాతావరణం నెలకొల్పేందుకు తమ దుకాణాలను అంగరంగ వైభవంగా అలంకరించారు.
ధనత్రయోదశి (Dhanteras 2023) సందర్బంగా భారీగా వ్యాపారం
త్రయోదశి శనివారం మధ్యాహ్నాం 2:00 గంటల వరకు కొనసాగుతుంది. కావున శనివారం భారీగా వ్యాపారం జరుగుతుందని వ్యాపారులు అంచనా వేస్తున్నారు. విజయవాడలో అక్షయ తృతీయ, ధన త్రయోదశి రోజుల్లోనే పలు కార్పొరేట్ దుకాణాల్లో వార్షిక విక్రయాలు 15 నుంచి 20 శాతం వరకు జరుగుతున్నట్లు అంచనా. దీపావళి రోజున లక్ష్మీపూజ చేసే సంప్రదాయం దేశంలోని ఉత్తర ప్రాంతంలో ఎక్కువగా ఉంటుంది. ఈ పూజ మూడు రోజుల పాటు నిర్వహిస్తారు.
కస్టమర్లను ఆకర్షించేందుకు షాపులు ప్రత్యేకంగా వజ్రాభరణాలపై ఆకట్టుకునే ఆఫర్లు, ప్రత్యేక రాయితీలను ప్రకటించాయి. దీంతో వినియోగదారుల్లో ఉత్సాహం మరింత పెరిగింది. మొత్తం మీద, ధనత్రయోదశిని పురస్కరించుకుని ప్రజలు కొనుగోళ్లకు ఉత్సాహం చూపడంతో బంగారం దుకాణాలలో సందడి నెలకొంది.
Also Read: పండుగ సందర్భంగా తగ్గిన బంగారం ధరలు… తాజా ధరలను తెలుసుకోండి.!
