ప్రధానాంశాలు
టాలీవుడ్ సూపర్ స్టార్ మహేష్ బాబు (Mahesh Babu) రాబోయే చిత్రం “గుంటూరు కారం (Guntur Kaaram)” నుండి మొదటి సింగిల్ ‘దమ్ మసాలా (Dum Masala Promo)’ ట్రాక్ నవంబర్ 7న వస్తుందని మహేష్ బాబు అభిమానులకు నాగ వంశీ సర్ ప్రైజ్ ఇచ్చారు. గుంటూరు కారం పాట యొక్క చిన్న క్లిప్ ఆన్‌లైన్‌లో లీక్ కావడంతో, దాని విడుదలను ఆలస్యం చేయకూడదని మేకర్స్ నిర్ణయించుకున్నారు.
మహేష్ బాబు పోస్టర్ విడుదల
మొదట్లో మెలోడీ సాంగ్ లాంచ్ చేయాలని ప్లాన్ చేసిన మేకర్స్, ఇప్పుడు లీక్ అయిన సాంగ్ తో ముందుకు వెళ్లాలని నిర్ణయించుకున్నారు. దమ్ మసాలా పేరుతో పాట ప్రోమో (Dum Masala Promo) ఉదయం 11:07 గంటలకు విడుదల కానుంది. అదే విషయాన్ని తెలియజేసేందుకు మేకర్స్ మహేష్ బాబు పోస్టర్‌ను విడుదల చేశారు.
‘దమ్ మసాలా’ పాట ప్రోమో (Dum Masala Promo).!
‘దమ్ మసాలా’ పాటను ప్రతిభావంతులైన థమన్ .S స్వరపరిచారు. ‘దమ్ మసాలా’ పాటను సంజిత్ హెగ్డే & తమన్ S పాడారు, ‘సరస్వతి పుత్ర’ రామజోగయ్య శాస్త్రి సాహిత్యం అందించారు.
థమన్ స్వరపరిచిన ఈ పాట ఆకట్టుకునే మరియు ఎనర్జిటిక్ లైన్‌లతో ప్రారంభమవుతుంది. పాట మాస్ అప్పీల్‌తో నిండిపోయింది. పూర్తి పాటను దర్శకుడు త్రివిక్రమ్ శ్రీనివాస్ పుట్టినరోజు సందర్భంగా నవంబర్ 7, 2023న విడుదల చేయనున్నారు.
గుంటూరు కారం విడుదల
మాటల మాంత్రికుడు త్రివిక్రమ్ శ్రీనివాస్ దర్శకత్వం వహించిన గుంటూరు కారం మాస్ అంశాలతో కూడిన ఫ్యామిలీ ఎంటర్‌టైనర్. శ్రీలీల, మీనాక్షి చౌదరి హీరోయిన్లుగా నటిస్తున్నారు. ఈ సినిమా షూటింగ్ శరవేగంగా జరుగుతోంది. గుంటూరు కారం 2024 జనవరి 12న విడుదల కానుంది.
