Devara | ‘RRR’ సినిమాతో పాన్ ఇండియా స్టార్ గా మారిన యంగ్ టైగర్ NTR ప్రస్తుతం కొరటాల శివ దర్శకత్వంలో ‘దేవర’ సినిమాలో నటిస్తున్నాడు. ఈ సినిమా షూటింగ్ శరవేగంగా జరుగుతోంది. ఇప్పటికే కీలక సన్నివేశాలు పూర్తయ్యాయని సమాచారం.
ప్రధానాంశాలు
ప్రముఖ దర్శకుడు కొరటాల శివ దర్శకత్వంలో జూనియర్ NTR హీరోగా నటిస్తున్న భారీ అంచనాలు గల చిత్రం ” దేవర ” విడుదల కోసం తెలుగు సినీ అభిమానులు ఎంతో ఆసక్తిగా ఎదురుచూస్తున్నారు. ఈ సినిమాలో బాలీవుడ్ నటి జాన్వీ కపూర్ ప్రధాన పాత్రలో నటించడం మరింత ఉత్కంఠను రేకెత్తిస్తోంది.
గోవాలో Devara కొత్త షెడ్యూల్
ఇటీవల, చిత్రబృందం షూటింగ్‌కి విరామం ఇచ్చిందని వార్తలు వచ్చాయి. ఈ క్రమంలో తారక్ సోమవారం విమానాశ్రయంలో ప్రత్యక్షమయ్యాడు. అయితే మూవీ టీమ్ గోవాలో కొత్త షెడ్యూల్ ప్లాన్ చేసిందని సమాచారం. దీనితో తదుపరి షూటింగ్ కోసం NTR గోవాకు వెళ్లినట్లు తెలుస్తోంది. కొత్త షెడ్యూల్‌లో భాగంగా గోవాలో యాక్షన్ సీక్వెల్స్‌తో పాటు ఓ పాటను చిత్రీకరించాలని ‘దేవర‘ టీమ్ ఆలోచిస్తున్నట్లు తెలుస్తోంది.
ఇందుకోసం NTRతో పాటు ఫిట్‌నెస్ ట్రైనర్ కుమార్ మన్నవ కూడా గోవా వెళ్లారు. వీరితో పాటు బాలీవుడ్ స్టార్ నటుడు సైఫ్ అలీఖాన్, అందాల భామ జాన్వీ కపూర్, ఇతర నటీనటులు కూడా ఈ షెడ్యూల్‌లో పాల్గొననున్నారు. దేవర చిత్ర యూనిట్ ఇప్పటికే అక్కడ జరిగే షూటింగ్‌కి సర్వం సిద్ధం చేసిందని, నేటి (మార్చి 19) నుంచి షెడ్యూల్ ప్రారంభం కానుందని ఇన్‌సైడ్ టాక్.
అక్టోబర్ లో విడుదల కానున్న దేవర
దర్శకుడు కొరటాల శివ ఈ చిత్రాన్ని రెండు భాగాలుగా తెరకెక్కిస్తున్నారు. ఈ సినిమాకి అనిరుధ్ రవిచంద్రన్ సంగీతం అందిస్తున్నారు. ‘RRR’ తర్వాత NTR నటిస్తున్న చిత్రం ‘దేవర’పై అభిమానుల్లో భారీ అంచనాలు ఉన్నాయి. అయితే ఈ చిత్రాన్ని ఏప్రిల్‌లో విడుదల చేయనున్నట్టు మేకర్స్ తొలుత ప్రకటించినప్పటికీ పలు కారణాల వల్ల విడుదల వాయిదా పడింది. తాజాగా ఈ సినిమా కొత్త తేదీని కూడా మేకర్స్ ప్రకటించారు. దేవర అక్టోబర్ 10, 2024న ప్రపంచవ్యాప్తంగా విడుదల కానుంది.
Also Read: Akhanda-2 Movie | బాలయ్య అభిమానులకు గుడ్ న్యూస్.. త్వరలో సెట్స్‌పైకి అఖండ-2.?
