పాలస్తీనా పౌరులను ఉగ్రవాదులు అంటూ ముద్ర వేసిన ఇజ్రాయెల్ ఆర్మీ

Israeli-Palestinian war | ఇజ్రాయిల్-పాలస్తీనా యుద్ధం జరిగి మూడు నెలలు అవుతుంది. గాజా నుండి తాజా చిత్రాలు ఇజ్రాయెల్ డిఫెన్స్ ఫోర్సెస్ (IDF) గాజా నగరంలో డజన్ల కొద్దీ పాలస్తీనియన్ పురుషులను అపహరించి వారి బట్టలను తొలగించి అందరిని ఒకే చోట కుర్చోపెట్టిన ఫోటోలు బయటికి వచ్చాయి. దిగ్భ్రాంతికరమైన ఈ సంఘటన ప్రపంచవ్యాప్తంగా ప్రతిస్పందనలను ప్రేరేపించింది.

Israeli-Palestinian war తరువాత జరిగిన సంఘటనలు

డిసెంబర్ 7, గురువారం బయటికి విడుదల చేసిన చిత్రాలు, వీడియోలు, IDF సైనికులు చూస్తున్నట్లుగా, వందలాది మంది పాలస్తీనియన్ పురుషులు ఒక గుర్తుతెలియని ప్రదేశంలో కళ్లకు గంతలు కట్టుకొని నేలపై మోకాళ్లపై కూచోబెట్టి వారి చేతులు వెనుకకు కట్టి తలలు వంచి ఉన్నట్లు చూపుతున్నారు.

విలేకరుల సమావేశంలో మాట్లాడిన ఇజ్రాయెల్ ఆర్మీ అధికార ప్రతినిధి

హమాస్‌తో ఎవరు సంబంధం కలిగి ఉన్నారో, ఎవరు లేరో అని పరిశీలిస్తున్నామని ఇజ్రాయెల్ ఆర్మీ అధికార ప్రతినిధి అడ్మిరల్ డేనియల్ హగారీ విలేకరుల సమావేశంలో చెప్పారు. బట్టలు లేని వ్యక్తుల అవాంతర చిత్రాల గురించి అడిగినప్పుడు, “లొంగిపోయిన ఉగ్రవాదులు” ఉన్నారని చెప్పారు.

“వారు భూగర్భంలో దాక్కుని బయటకు వస్తారు. మేము వారితో పోరాడుతాము. హమాస్‌తో ఎవరు సంబంధం కలిగి ఉన్నారో మరియు ఎవరు కాదో మేము దర్యాప్తు చేసి తనిఖీ చేస్తాము” అని అతను చిత్రాల గురించి మరిన్ని వివరాలను ఇవ్వకుండా వెళ్లిపోయారు.

పాలస్తీనా పౌరులను చిత్రహింసలు పెడుతూ ఇజ్రాయెల్

పాలస్తీనా పౌరులను ఉగ్రవాదులు అంటూ వారిని చిత్రహింసలు పెడుతూ ఇజ్రాయెల్ ఆర్మీ అమాయకుల ప్రాణాలను తీస్తుందని పాలస్తీనా ప్రజలు ఆందోళన వ్యక్తం చేస్తున్నారు. ఇంకా, అపహరణకు గురైన వారిలో చాలా మంది నిరాయుధులైన పాలస్తీనా పౌరులు ఉన్నారని సూచించే నివేదికలు కూడా ఉన్నాయని పాలస్తీనా అధికారులు పేర్కొన్నారు.

ఇప్పటికే ఇజ్రాయెల్-పాలస్తీనా యుద్ధం ప్రారంభమై మూడు నెలలు గడిచిన బహిర్గత యుద్ధాన్ని ఆపేసిన ఇజ్రాయెల్ అంతర్గత యుద్ధాన్ని చేస్తూ పాలస్తీనా పౌరులపై నిందలు మోపుతూ చంపేస్తున్నారు.

Also read: గాజాతో సంబంధాలను తెంచుకున్న ఇజ్రాయెల్