Smoking | ధూమపానం శ్వాసకోశ సమస్యలు, గుండె సమస్యలు, క్యాన్సర్‌ ముప్పును మాత్రమే పెంచుతుందని మనకు తెలుసు. అయితే ధూమపానం వల్ల కంటికి కూడా ముప్పు పెరుగుతుందని నిపుణులు చెబుతున్నారు.
ప్రధానాంశాలు
ధూమపానం శ్వాసకోశ సమస్యలు, గుండె సమస్యలు, క్యాన్సర్‌ ముప్పును మాత్రమే పెంచుతుందని మనకు తెలుసు. అయితే, స్మోకింగ్ కారణంగా కంటిపైనా ఎఫెక్ట్‌ పడుతుందని నిపుణులు అంటున్నారు. మన ఆరోగ్య శ్రేయస్సు కోసం ధూమపానానికి దూరంగా ఉండటం చాలా ముఖ్యమని నిపుణులు చెపుతున్నారు. స్మోకింగ్ చేసేవారి నుంచి వచ్చే పొగ ఎదుటి వారి కళ్లపై కూడా హానికరమైన ప్రభావాలు చూపుతాయని నిపుణులు పేర్కొంటున్నారు.
Smoking వల్ల వయస్సు-సంబంధిత సమస్యల పెరుగుదల
స్మోకింగ్ దృష్టి సమస్యల ప్రమాదాన్ని గణనీయంగా పెంచుతుంది. స్మోకింగ్ చేసేవారిలో వయస్సు-సంబంధిత మచ్చల క్షీణత (AMD) ముప్పు ఎక్కువగా ఉంటుందని నిపుణులు అంటున్నారు. ఈ వ్యాధి క్రమంగా దృష్టిని క్షీణింపజేస్తుంది. చదవడం, డ్రైవ్ చేయడం, ఎదుటి వ్యక్తులను గుర్తించే సామర్థ్యాన్ని బలహీనపరుస్తుంది. స్మోకింగ్‌కు దూరంగా ఉంటే AMD వచ్చే ముప్పు నుండి ఎక్కువకాలంపాటు దృష్టిని రక్షించుకోగలరు.
కంటిశుక్లాలు వచ్చే ప్రమాద పెరుగుదల
స్మోకింగ్ కంటిశుక్లాలు వచ్చే ప్రమాదాన్ని పెంచుతుంది. ఈ సమస్య ఉంటే కను గుడ్డులో మబ్బుగా కన్పించడం, అస్పష్టమైన దృష్టి, ఒక వస్తువు రెండుగా కన్పించడం, కంటిలో తెల్లగా కన్పించడం వంటి సమస్యలు ఎదురవుతాయి. స్మోకింగ్ చేయనివారితో పోలిస్తే, స్మోకింగ్ చేసేవారిలో కంటిశుక్లాలు వచ్చే అవకాశం రెండు నుంచి మూడు రెట్లు ఎక్కువగా ఉంటుంది. కంటిశుక్లాలు కాంట్రాస్ట్ సెన్సిటివిటీని కూడా తగ్గిస్తాయి. రాత్రిపూట చూపు సరిగ్గా ఉండదు. స్మోకింగ్‌కు దూరంగా ఉంటే కంటిశుక్లాలు వచ్చే ముప్పును తగ్గించవచ్చు.
సెకండ్‌హ్యాండ్‌ స్మోకింగ్ (నిష్క్రియ ధూమపానం)..
స్మోకింగ్ చేసేవారికే కాదు ఆ పొగ పీల్చేవారికీ కంటి సమస్యల ముప్పు ఎక్కువగా ఉంటుందని నిపుణులు అంటున్నారు. ఈ విధంగా పొగ పీల్చటాన్ని సెకండ్‌హ్యాండ్‌ స్మోకింగ్ అంటారు. సెకండ్‌హ్యాండ్‌ స్మోకర్స్‌కు డ్రై-ఐ-సిండ్రోమ్‌ (Dry eye syndrome), కంటి నరాలు దెబ్బతినడం వంటి తీవ్రమైన పరిస్థితులు ఎదురయ్యే ప్రమాదం ఉంది. పిల్లలు సెకండ్‌హ్యాండ్‌ స్మోకింగ్‌కు గురైతే మయోపియా (Myopia) వచ్చే ప్రమాదం ఉంది.
Also Read | మీ ఎముకలను బలోపేతం చేయడానికి ఉత్తమమైన డ్రింక్స్..!
