సుకుమార్‌ తెరకెక్కిస్తోన్న ‘పుష్ప-2’ సినిమా నుంచి అప్డేట్ వచ్చింది. ఈ సినిమాలో పోలీసు అధికారి భన్వర్ సింగ్ షెకావత్‌గా నటించిన ఫాహద్‌ ఫాసిల్‌ లుక్‌ను మేకర్స్‌ రిలీజ్ చేశారు. ఈరోజు ఫాహద్‌ బర్త్‌ డే కావడంతో… మేకర్స్‌ విషెస్‌ తెలియజేస్తూ పోస్టర్‌ను ట్వీట్‌ చేశారు. ‘పుష్ప‘ సినిమాలో ఫాహద్‌ నటన ప్రేక్షకులను ఆకట్టుకోగా… ‘పుష్ప-2’ లో అల్లు అర్జున్, ఫాహద్‌ మధ్య జరిగే యాక్షన్‌ సీన్స్‌ కోసం ఎదురుచూస్తున్నారు.
ఇక పుష్ప సినిమాలో మలయాళం స్టార్ ఫాహద్‌ ఫాసిల్‌ భన్వర్ సింగ్ షెకావత్ పోలీసాఫీసర్ క్యారెక్టర్ చేసిన సంగతి తెలిసిందే. పుష్ప 1 సినిమా లాస్ట్ లో ఒక 20 నిముషాలు కనపడి భన్వర్ సింగ్ షెకావత్ క్యారెక్టర్ లో ఫాహద్‌ అదరగొట్టాడు. క్లైమాక్స్ సీన్ కూడా అల్లు అర్జున్, ఫాహద్‌ మధ్యే ఉంటుంది. దీంతో ఈ క్యారెక్టర్ కి బాగా పేరు వచ్చింది. సెకండ్ పార్ట్ లో ఫాహద్‌ బన్నీపై ఎలా రివెంజ్ తీర్చుకుంటాడా అని అంతా ఆసక్తిగా ఎదురు చూస్తున్నారు.
