ప్రధానాంశాలు
న్యూఢిల్లీ: భారతీయ జనతా పార్టీ (బిజెపి) (Rajasthan BJP) రాజస్థాన్ అసెంబ్లీ ఎన్నికలకు అభ్యర్థుల మూడో జాబితాను విడుదల చేసింది. కాంగ్రెస్ నాయకుడు మరియు సిట్టింగ్ ఎమ్మెల్యే సచిన్ పైలట్‌పై టోంక్ నియోజకవర్గం నుండి మాజీ ఎమ్మెల్యే అజిత్ సింగ్ మెహతాతో సహా 58 మంది అభ్యర్థులతో BJP పార్టీ తన మూడవ జాబితావిడుదల చేయటం జరిగింది.
అంతకుముందు 2018 రాష్ట్ర అసెంబ్లీ ఎన్నికలలో సచిన్ పైలట్ మునుపటి వసుంధర రాజే క్యాబినెట్‌లో మంత్రిగా ఉన్న బిజెపికి చెందిన యూనస్ ఖాన్‌ను ఓడించారు. ఇదిలా ఉండగా ప్రస్తుతం కాంగ్రెస్‌కు చెందిన మురళీలాల్ మీనా పాలిస్తున్న దౌసా నియోజకవర్గం నుంచి బీజేపీ మళ్లీ శంకర్‌లాల్ శర్మను పోటీలో నిలిపింది. 2018లో బీజేపీ అభ్యర్థి శంకర్‌లాల్ శర్మ 48,056 ఓట్లతో మీనా చేతిలో ఓటమి చెందారు.
ఝలర్‌పటన్ నుండి మాజీ ముఖ్యమంత్రి వసుంధర రాజే పోటీ (Rajasthan BJP)
అంతకుముందు భారతీయ జనతా పార్టీ 83 మంది అభ్యర్థులతో కూడిన రెండో జాబితాను విడుదల చేయటం జరిగింది. బిజెపి రెండవ జాబితాలో మాజీ ముఖ్యమంత్రి వసుంధర రాజే ఝలర్‌పటన్ నుండి పోటీ చేయనున్నారు. బిజెపి సీనియర్ నాయకుడు రాజేంద్ర రాథోడ్ కూడా తారానగర్ నుండి బరిలోఉన్నారు.
బీజేపీ ఝోత్వారా నుంచి ఎంపీగా రాజ్యవర్ధన్ రాథోడ్, మరో ఎంపీ దియా కుమారిని విద్యాధర్ నగర్ నుంచి బరిలోకి దింపింది. బాబా బాలక్‌నాథ్ తిజారా నుంచి, కిరోడి లాల్ మీనా సవాయ్ మాధోపూర్ నుంచి పోటీ చేయనున్నారు.
నవంబర్ 25న రాజస్థాన్ ఎన్నికలు
2018 అసెంబ్లీ ఎన్నికల్లో 200 మంది సభ్యులున్న సభలో కాంగ్రెస్ 99 సీట్లు గెలుచుకోగా, బీజేపీ 73 సీట్లు గెలుపొందింది. అశోక్ గెహ్లాట్ బీఎస్పీ ఎమ్మెల్యేలు, స్వతంత్రుల మద్దతుతో అధికారంలోకి వచ్చారు.
నవంబర్ 7న మిజోరం, 17న ఛత్తీస్‌గఢ్, నవంబర్ 17న మధ్యప్రదేశ్, నవంబర్ 25న రాజస్థాన్, 30న తెలంగాణలో ఎన్నికలు జరుగబోతున్నాయి.
