న్యూఢిల్లీ : ప్రస్తుతం దేశంలో ఆన్ లైన్ చెల్లింపులు రోజురోజుకి పెరిగిపోతున్నాయి. అదే సమయంలో ఆన్ లైన్ మోసాలు కూడా పెరుగుతున్నాయి. దీంతో ఆర్బీఐ (Reserve Bank of India) U.P.I చెల్లింపు విధానంలో ఎప్పుటికప్పుడు సమీక్షలు జరుపుతూ మార్పులు చేర్పులు చేస్తుంది. ఇదే క్రమంలో ఇవాళ జరిగిన R.B.I ద్రవ్య పరపతి సమీక్షలో కీలక నిర్ణయం తీసుకోవడం జరిగింది.
ప్రధానాంశాలు
UPI చెల్లింపులను లక్ష నుండి 5లక్షలకు పెంచిన Reserve Bank of India
దేశంలో యూపీఐకి సంబంధించి రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్ ఇవాళ రెండు ప్రకటనలు చేశారు. రిజర్వ్ బ్యాంక్ అఫ్ ఇండియా (Reserve Bank of India), U.P.I (యూనిఫైడ్ పేమెంట్స్ ఇంటర్ఫేస్) యొక్క చెల్లింపుల పరిమితిని పెంచింది. ఇకపై ఆసుపత్రులు, విద్యా సంస్థలకు చేసే చెల్లింపులను ప్రస్తుతం ఉన్న లక్ష రూపాయల నుండి 5 లక్షలకు పెంచింది.
చెల్లింపుల ప్రక్రియ 2023 డిసెంబర్ 8 నుండి అమల్లోకి రానున్నట్టు ప్రకటించిన RBI
ఈ నిర్ణయం 2023 డిసెంబర్ 8 నుండి అమల్లోకి రానున్నట్టు RBI ప్రకటించింది. ఈ నిర్ణయం వల్ల యూపీఐ యూజర్లకు అనేక ప్రయోజనాలు చేకూరనున్నాయి. ఇంతకు ముందు ఆసుపత్రులు, విద్యా సంస్థలకు ఒకేసారి పెద్ద మొత్తంలో చెల్లించాల్సిన అవసరం వచ్చినప్పుడు వారికి అనేకసార్లు చెల్లించాల్సి వచ్చేది. కానీ RBI తీసుకున్న ఈ నిర్ణయంతో UPI వినియోగదారులు ఒకేసారి 5 లక్షల వరకు చెల్లించవచ్చు. ఇది వారి సమయాన్ని మరియు శ్రమను ఆదా చేయనుంది.
UPI ప్రస్తుతం భారతదేశంలో అత్యంత ప్రజాదరణ పొందిన డిజిటల్ పేమెంట్
RBI తీసుకున్న ఈ నిర్ణయం వల్ల దేశంలో U.P.I వినియోగం మరింత పెరుగుతుందని అంచనా వేస్తున్నారు. యూపీఐ వినియోగం ప్రస్తుతం భారతదేశంలో అత్యంత ప్రజాదరణ పొందిన డిజిటల్ పేమెంట్ మార్గం. 2022-23 ఆర్థిక సంవత్సరంలో దేశంలో యూపీఐ ద్వారా జరిగిన లావాదేవీల మొత్తం ₹8.2 ట్రిలియన్‌లకు చేరుకుంది.
UPI రిపీటెడ్ చెల్లింపుల పరిమితి ₹15,000 నుండి 1,00,000కు పెంచిన RBI
నిర్ణీత వర్గాలకు చేసే యూనిఫైడ్ పేమెంట్స్ ఇంటర్ఫేస్ (UPI) ద్వారా చేసే రిపీటెడ్ చెల్లింపులకు ఆన్ లైన్ ఈ-ఇన్ స్ట్రక్షన్ పరిమితిని పెంచుతూ ఒక నిర్ణయం తీసుకుంది. ఇందులో మ్యూచువల్ ఫండ్ సబ్‌స్క్రిప్షన్‌లు, ఇన్సూరెన్స్ ప్రీమియం సబ్‌స్క్రిప్షన్‌లు, క్రెడిట్ కార్డ్ రీపేమెంట్‌లు ఉన్నాయి.
ప్రస్తుతం, ఈ వర్గాలకు చేసే రిపీటెడ్ చెల్లింపుల పరిమితి ₹15,000 గా ఉంది. ఈ నిర్ణయంతో, ఈ పరిమితిని ₹1,00,000కు పెంచారు. ఈ నిర్ణయం 2023 డిసెంబర్ 8 నుండి అమల్లోకి వచ్చింది. ఈ నిర్ణయం వల్ల UPI యూజర్లకు అనేక ప్రయోజనాలు కలుగుతాయి. ఇప్పటివరకు, ఒకేసారి పెద్ద మొత్తంలో చెల్లించాల్సిన అవసరం ఉన్నప్పుడు, వారికి అనేకసార్లు చెల్లించాల్సి వచ్చేది. ఈ నిర్ణయంతో, వారు ఒకేసారి ₹1,00,000 వరకు చెల్లించవచ్చు. ఇది వారి సమయాన్ని మరియు శ్రమను ఆదా చేస్తుంది అని తెలిపారు.
