హైదరాబాద్: తెలంగాణలోని ఐదు పాస్‌పోర్ట్ సేవా కేంద్రాలు (RPO) మరియు 14 POPSC లు (Post Office Passport Service Centres) రెండు శనివారాలు, నవంబర్ 4 మరియు 18 తేదీల్లో ప్రత్యేక పాస్‌పోర్ట్ డ్రైవ్‌ల (Passport Drive) ను నిర్వహించాలని హైదరాబాద్ ప్రాంతీయ పాస్‌పోర్ట్ కార్యాలయం (RPO) నిర్ణయించింది.
నవంబర్ 4 & 18 తేదీల్లో పాస్‌పోర్ట్ డ్రైవ్‌లు (passport drives)
అపాయింట్మెంట్ సైకిల్ తగ్గించేందుకు శనివారాల్లో స్పెషల్ డ్రైవ్‌లు నిర్వహిస్తున్నారు. హైదరాబాద్ లోని అమీర్‌పేట, బేగంపేట, టోలీచౌకితో సహా ఐదు పీఎస్‌కేలు, కరీంనగర్, నిజామాబాద్‌లో ఒక్కొక్కటి, ఖమ్మం, నల్గొండ, వరంగల్‌లో మూడు పీఓపీఎస్‌కేలకు సంబంధించి పూర్తిస్థాయి రిక్రూట్‌మెంట్లను నవంబర్ 4న విడుదల చేసినట్లు హైదరాబాద్ ప్రాంతీయ పాస్‌పోర్ట్ అధికారి దాసరి బాలయ్య వివరించారు.
నవంబర్ 18కి సంబంధించిన అపాయింట్‌మెంట్‌లు వచ్చే వారం విడుదల చేయనున్నారు. ఇంకా నవంబర్ 30న తమ అపాయింట్‌మెంట్‌లను బుక్ చేసుకున్న దరఖాస్తుదారులకు నవంబర్ 18కి రీషెడ్యూల్ చేశామని తెలిపారు. ఇప్పటికే SMS అలర్ట్‌లు పంపామని ఆయన వెల్లడించాడు. రాష్ట్రంలో పోలింగ్ నేపథ్యంలో నవంబర్ 30వ తేదీని సెలవు దినంగా ప్రకటించారు.
దరఖాస్తు దారులందరూ షెడ్యూల్ ఖరారు
అపాయింట్మెంట్ లను బుక్ చేసుకున్న దరఖాస్తు దారులందరూ షెడ్యూల్ చేసిన తేదీల్లో తమ దరఖాస్తులను సజావుగా ప్రాసెస్ చేయడానికి సంబంధిత అన్ని డాక్యుమెంట్‌లతో పాటు సంబంధిత PSK/POPSKకి హాజరు కావాలని తెలిపారు.
