IRCTC లో టికెట్‌ బుక్‌ చేసుకునే వారు బీమా కోసం ఇకపై ఆప్షన్‌ ఎంచుకోవాల్సిన పనిలేదు. డిఫాల్ట్‌గా ప్రతి ఒక్కరూ బీమాకు అర్హత పొందుతారు. టికెట్లు అయిపోతాయనే తొందరలో చాలామంది బీమా ఎంచుకోకపోవడం, ఇటీవల ఒడిశా రైలు ప్రమాదం నేపథ్యంలో IRCTC ఈ నిర్ణయం తీసుకుంది. బీమా ఉన్న వారు చనిపోతే, శాశ్వత అంగవైకల్యం ఏర్పడితే కుటుంబానికి ₹10 లక్షలు, గాయపడి అంగ వైకల్యం ఏర్పడితే ₹7.5 లక్షలు, క్షతగాత్రులకు ₹2 లక్షలు ఇస్తారు.
ఈ బీమాను 2 నాన్-లైఫ్ ఇన్సూరెన్స్ సంస్థలు అందించాయి – SBI జనరల్ ఇన్సూరెన్స్ కంపెనీ లిమిటెడ్ మరియు లిబర్టీ జనరల్ ఇన్సూరెన్స్ కంపెనీ లిమిటెడ్. IRCTC ప్రయాణ ప్రమాద బీమా పథకం కింద ప్రయాణికులకు బీమా రక్షణ ఉందని బీమా నియంత్రణ మరియు అభివృద్ధి అథారిటీ ఆఫ్ ఇండియా (IRDAI) తెలిపింది.
