హైదరాబాద్: హిమాచల్ ప్రదేశ్‌ లో భారీ వర్షాలు కురుస్తుండటంతో, వర్షాలతో అతలాకుతలమైన తెలుగు ప్రజలు, ముఖ్యంగా విద్యార్థులు సురక్షితంగా తిరిగి రావడానికి రాష్ట్ర ప్రభుత్వం చర్యలు ప్రారంభించింది. ఇందుకు అవసరమైన చర్యలు తీసుకోవాలని తెలంగాణ భవన్‌లో రెసిడెంట్ కమిషనర్‌ గౌరవ్‌ ఉప్పల్‌కు ఆదేశాలు జారీ చేశారు.
“కొందరు తెలుగు విద్యార్థులు హిమాచల్ ప్రదేశ్‌ లోని కులు మరియు మనాలిలో చిక్కుకున్నారని కొంతమంది తల్లిదండ్రుల నుండి సమాచారం అందింది. విద్యార్థులకు సహాయం చేయడానికి న్యూ ఢిల్లీలోని మా రెసిడెంట్ కమీషనర్‌ను అప్రమత్తం చేసాము. ఎవరికైనా సహాయం కావాలంటే వారు TS_ భవన్ లేదా @KTR ఆఫీసు“ను సంప్రదించగలరు అని పరిశ్రమల శాఖ మంత్రి కెటి రామారావు ట్వీట్ చేసారు.
