హైదరాబాద్: జనాభా నియంత్రణపై రాష్ట్ర అసెంబ్లీలో బీహార్ ముఖ్యమంత్రి నితీశ్ కుమార్(Nitish Kumar)అసభ్య పదజాలంతో మాట్లాడారని మజ్లిస్-ఇ-ఇత్తెహాదుల్ ముస్లిమీన్ (ఎంఐఎం) అధ్యక్షుడు అసదుద్దీన్ ఒవైసీ అన్నారు.
Nitish Kumar తన మాటలను ఉపసంహరించుకోవాలని డిమాండ్‌ :అసదుద్దీన్ ఒవైసీ
నితీష్ కుమార్ వాడిన భాషపై తీవ్ర అభ్యంతరం వ్యక్తం చేస్తూ హైదరాబాద్ ఎంపీ తన మాటలను ఉపసంహరించుకోవాలని డిమాండ్‌ చేశారు. ఒవైసీ బుధవారం మీడియా ప్రతినిధులతో మాట్లాడుతూ.. నితీష్ భాష, హావభావాలు ఏమాత్రం సరిగాలేవని అన్నారు. “ఆయన ఒక రాష్ట్రానికి ముఖ్యమంత్రి అని, అక్కడ ఆయన వాడిన భాష అసభ్యకరమైన భాష” అని ఆయన అన్నారు.
అసెంబ్లీ పవిత్ర స్థలం..
అసెంబ్లీ పవిత్ర స్థలమని, అడల్ట్ సినిమా ప్రదర్శింపబడుతున్న సినిమా థియేటర్‌లో కాకుండా శాసనసభలో మాట్లాడుతున్నానని ముఖ్యమంత్రి గ్రహించాలన్నారు. మహిళలు చదువుకుంటే పిల్లలను ఎప్పుడు కనాలనేది వారే నిర్ణయించుకోగలరని ముఖ్యమంత్రి చెప్పాలని ఒవైసీ అన్నారు.
కాగా, మహిళలపై అఘాయిత్యాలకు పాల్పడే పురుషులకు ఇలాంటి చర్యల ద్వారా ఏం సందేశం ఇస్తున్నారని నితీష్ కుమార్ ను ఒవైసీ ప్రశ్నించారు.
