Thalapathy Vijay | తమిళ నటుడు తలపతి విజయ్ శుక్రవారం తన రాజకీయ పార్టీ ఏర్పాటును ప్రకటించారు. ఎన్నికల సంఘం (EC) ఆమోదం పొందిన తర్వాత బహిరంగ సభలు, కార్యక్రమాలను నిర్వహించాలని విజయ్ యోచిస్తున్నట్లు తెలుస్తుంది.
ప్రధానాంశాలు
Thalapathy Vijay | తమిళ నటుడు తలపతి విజయ్ శుక్రవారం తన “తమిళగ వెట్రి కజగం”(Tamilaga Vettri Kazhagam) రాజకీయ పార్టీ ఏర్పాటును ప్రకటించారు. పారదర్శక, కుల రహిత మరియు అవినీతి రహిత పరిపాలనతో “ప్రాథమిక రాజకీయ మార్పు” కోసం తన నిబద్ధతను తెలియజేస్తూ గత వారం చెన్నైలో జరిగిన సమావేశంలో తన అభిమానుల సంఘం విజయ్ మక్కల్‌ ఇయ్యక్కం రాజకీయ పార్టీ ఏర్పాటుకు ఆమోదం తెలిపిన తర్వాత నటుడు ఈ ప్రకటన చేశాడు.
ఎన్నికల సంఘం (EC) ఆమోదం కోసం దరఖాస్తు
నటుడు విడుదల చేసిన ఒక ప్రకటనలో.. “మా పార్టీ ‘తమిళగ వెట్రి కజగం’ రిజిస్టర్ చేయమని మేము ఈ రోజు ECకి దరఖాస్తు చేస్తున్నాము, రాబోయే 2026 అసెంబ్లీ ఎన్నికల్లో పోటీ చేసి విజయం సాధించి, ప్రాథమిక రాజకీయ మార్పు తీసుకురావడమే మా లక్ష్యం” అని తెలిపారు.
నటుడు విజయ్ రాజకీయ ఎత్తుగడను మరింత వివరిస్తూ… “ప్రస్తుత రాజకీయ వాతావరణం గురించి మీ అందరికీ తెలుసు. ఒకవైపు పాలనాపరమైన అవకతవకలు మరియు అవినీతి రాజకీయ సంస్కృతి, మన ప్రజలను కులాల ప్రాతిపదికన విభజించడానికి ప్రయత్నిస్తున్న విభజన రాజకీయ సంస్కృతి మరియు మరోవైపు మతం ఉన్నాయి. ప్రతి ఒక్కరూ, ప్రత్యేకించి, తమిళనాడులో నిస్వార్థ, పారదర్శక, కుల రహిత, దూరదృష్టి, అవినీతి రహిత మరియు సమర్థవంతమైన పరిపాలనకు దారితీసే ప్రాథమిక రాజకీయ మార్పు కోసం తహతహలాడుతున్నారు” అని అన్నాడు.
పార్టీ గుర్తును ప్రవేశపెట్టనున్న Thalapathy Vijay
ఎన్నికల సంఘం (EC) ఆమోదం పొందిన తర్వాత బహిరంగ సభలు, కార్యక్రమాలను నిర్వహించాలని పార్టీ యోచిస్తోంది. ఈ సమావేశాల సమయంలో, వారు తమ విధానాలు, సూత్రాలు మరియు కార్యాచరణ ప్రణాళికలను ప్రదర్శించనున్నారు. అలాగే జెండా మరియు పార్టీ గుర్తును ప్రవేశపెడతారు.
అయితే, పార్టీ 2024 సార్వత్రిక ఎన్నికల్లో పోటీ చేయదని మరియు ఎన్నికల్లో ఏ పార్టీకి మద్దతు ఇవ్వదని నటుడు పేర్కొన్నాడు.
Also Read: 2024-25 ఆర్థిక సంవత్సరానికి సంబంధించిన బడ్జెట్ ముఖ్యాంశాలు.!
