OTT Platforms | సమాచార & ప్రసార మంత్రిత్వ శాఖ (I&B) “అశ్లీల మరియు అసభ్యకరమైన కంటెంట్”పై అణిచివేతలో, 18 OTT ప్లాట్‌ఫామ్స్‌తో పాటు వాటి అనుబంధిత వెబ్‌సైట్‌లు మరియు సోషల్ మీడియా ఖాతాలను నిషేధించింది.
డిజిటల్ ప్లాట్‌ఫారమ్‌లలో పెరుగుతున్న అశ్లీల మరియు అసభ్యకరమైన కంటెంట్‌ను అరికట్టడానికి సమాచార & ప్రసార మంత్రిత్వ శాఖ (I&B) గురువారం (మార్చి 14)న 18 OTT ఫ్లాట్‌ఫామ్స్‌ను (OTT Platforms) బ్లాక్ చేస్తున్నట్లు ప్రకటించింది. అదనంగా, దేశవ్యాప్తంగా ఈ ప్లాట్‌ఫామ్స్‌లతో లింక్ చేయబడిన 19 వెబ్‌సైట్‌లు, 10 యాప్‌లు, 57 సోషల్ మీడియా హ్యాండిల్స్ ను బ్లాక్ చేస్తున్నట్లు వెల్లడించింది. అయితే, పలుమార్లు హెచ్చరికలు జారీ చేసిన తర్వాత ఈ నిర్ణయం తీసుకున్నట్లు తెలిపింది.
పలు సెక్షన్ల కింద OTT Platforms బ్లాక్
మహిళల అసభ్య ప్రాతినిధ్యం (నిషేధం) చట్టం, 1986లోని సెక్షన-4, ఇండియన్ పీనల్ కోడ్ (IPC)లోని సెక్షన్-292 (అశ్లీల పుస్తకాల విక్రయం మొదలైనవి) మరియు ఇన్ఫర్మేషన్ టెక్నాలజీ చట్టం, 2000 లోని సెక్షన్లు-67 మరియు-67(A) కింద ఈ OTTలు బ్లాక్ చేయబడ్డాయి.
బ్లాక్ చేయబడిన వాటిలో Besharams, Hunters, Dream Films, MoodX, NeonX, XtraMood మరియు ఇతరాలు ఉన్నాయి. ఎందుకంటే ఈ కంపెనీలు లైంగిక అసభ్యకరమైన కంటెంట్‌ను ఉత్పత్తి చేయడంలో నిమగ్నమై ఉన్నాయి.
బ్లాక్ చేయబడిన పది యాప్‌లలో ఏడు గూగుల్ ప్లే స్టోర్‌లో ఉండగా, మూడు యాపిల్ యాప్ స్టోర్‌లో ఉన్నాయి. 12 ఫేస్‌బుక్ ఖాతాలు, 17 ఇన్‌స్టాగ్రామ్ ఖాతాలు, 16 X (గతంలో ట్విట్టర్) ఖాతాలు మరియు 12 యూట్యూబ్ ఖాతాలు కూడా బ్లాక్ చేయబడ్డాయి.
Also Read: త్వరలో మొట్టమొదటి సెమీకండక్టర్ చిప్‌ తయారు చేయనున్న ధోలేరా ప్లాంట్..!
