BJP Vijay Sankalp Yatra | లోక్‌సభ ఎన్నికలకు సమయం దగ్గరపడుతున్నందున తెలంగాణలో BJP పార్టీ ఫిబ్రవరి 20 నుండి మార్చి 2 వరకు రాష్ట్రవ్యాప్తంగా “విజయ సంకల్ప్ యాత్రలు” నిర్వహించబోతుంది.
BJP Vijay Sankalp Yatra | కేంద్రమంత్రి, రాష్ట్ర BJP అధ్యక్షుడు G. కిషన్‌రెడ్డి సోమవారం చార్మినార్‌లోని ప్రసిద్ధ భాగ్యలక్ష్మి దేవి ఆలయంలో ప్రార్థనలు చేసి, యాత్రలలో ఉపయోగించే “రథాలను” ప్రారంభించారు. రాష్ట్రంలోని మొత్తం 119 అసెంబ్లీ నియోజకవర్గాలను తాకుతూ ఏకకాలంలో ఐదు “యాత్రలు” నిర్వహించనున్నట్లు ఆయన విలేకరుల సమావేశంలో తెలిపారు. ఫిబ్రవరి 20న రాష్ట్రంలోని వివిధ ప్రాంతాల్లో ‘యాత్రలు’ ప్రారంభం కానున్నాయన్నారు.
BJP మెజారిటీ స్థానాల్లో విజయం సాదిస్తుందన్న కిషన్‌రెడ్డి
నరేంద్ర మోదీ మూడోసారి ప్రధాని కావడానికి దేశవ్యాప్తంగా అనుకూల వాతావరణం నెలకొందని, తెలంగాణలోని మొత్తం 17 లోక్‌సభ స్థానాల్లో BJP మెజారిటీ సాధిస్తుందని ఆయన ధీమా వ్యక్తం చేశారు. 2019 సార్వత్రిక ఎన్నికల్లో BJP నాలుగు నియోజకవర్గాల్లో విజయం సాధించింది. BJP కార్యకర్తలు ప్రతి గ్రామానికి, ప్రతి ఇంటికి వెళ్లి, ప్రతి వ్యక్తిని కలుసుకుని వారి మద్దతును పొందేందుకు ప్రయత్నిస్తారన్నారు. వచ్చే లోక్‌సభ ఎన్నికల్లో BJP మెజారిటీ స్థానాల్లో విజయం సాధిస్తుందన్నారు.
ఈ సారి AIMIM అధ్యక్షుడు అసదుద్దీన్‌ ఒవైసీ ప్రాతినిధ్యం వహిస్తున్న హైదరాబాద్ లోక్‌సభ నియోజకవర్గాన్ని వచ్చే ఎన్నికల్లోనూ BJP కైవసం చేసుకుంటుందని కిషన్‌రెడ్డి ధీమా వ్యక్తం చేసారు. ట్రిపుల్ తలాక్ రద్దు తర్వాత అభ్యుదయ భావాలు కలిగిన ముస్లిం యువత, మహిళలు మోదీని సోదరుడిలా చూస్తున్నారని కిషన్‌రెడ్డి వ్యాఖ్యానించారు.
Also Read | ఇండియా కూటమిపై నిప్పులు చెరిగిన అమిత్ షా..!
